മമ്പുറം സയ്യിദ്‌ അലവി തങ്ങളുടെ ശിഷ്യനാണ് അവുക്കോയ മുസ്ലിയാ൪, ഹി: 1222 ലാണ് അവുക്കോയ മുസ്ലിയാരുടെ ജനനം. പരപ്പനങ്ങാടി ചിക്യാമു മരക്കാരാണ്‌ പിതാവ്‌.അഹ്മദ്‌ മഖ്ദൂം, പുറത്തിയില്‍ മുഹമ്മദ്‌ ഹമാദാനി, വെളിയങ്കോട് ഉമ൪ ഖാളി എന്നിവരാണ് പ്രധാന ഗുരുനാഥ൯മാ൪.
പൊന്നാനി, പുറത്തിയില്‍, വളപട്ടണം, താനൂ൪, വലിയ കുളങ്ങര എന്നിവിടങ്ങളില്‍ മത പഠനം നടത്തി. താനൂ൪, വലിയ കുളങ്ങര, തിരൂരങ്ങാടി, പരപ്പനങ്ങാടി പനയത്തില്‍ പള്ളി, കടപ്പുറം പള്ളി തുടങ്ങിയ സ്ഥലങ്ങളില്‍ അദ്ദേഹം സേവനം ചെയ്തു. മക്ക, ബാഗ്ദാദ്‌, ഇസ്തംപൂള്‍ തുടങ്ങിയ സ്ഥലങ്ങള്‍ സന്ദ൪ശിച്ചു.
അവ്വലുല്‍ വാജിബാത്ത്‌, അല്ലഫല്‍ അലിഫിന് വ്യാഖ്യാനം, ഇശ്റൂന സ്വിഫത്ത് തുടങ്ങി അനേകം ഗ്രന്ഥങ്ങള്‍ രചിച്ചു. ഹി: 1292 ല്‍ അദ്ദേഹം വഫാത്തായി. അദ്ദേഹത്തെക്കുറിച്ച് ലോകപ്രശസ്ത പണ്ഡിതനായ സയ്യിദ്‌ അഹ്മദ്‌ സൈനി ദഹ് ലാ൯ വിലാപ കാവ്യം രചിച്ചു. പരപ്പനങ്ങാടിയിലാണ് മഖ്ബറ.
No comments:
Post a Comment