പുതിയ തലമുറക്ക്‌ അപരിചിതനാണ് അഹ്മദ്‌ ശീറാസി.നാദാപുരം പള്ളിക്കകത്തെ നാല് ഖബറുകളില്‍ ഒന്ന് അഹ്മദ്‌ ശീറാസിയുടേതാണ്.മലപ്പുറം ജില്ലയിലെ മങ്കട ചേരിയത്താണ് സ്വദേശം. ചീരന്‍ കുന്നന്‍ മുഹമ്മദിന്‍റെ പുത്രനായി ഹി.1268 ല്‍ ജനിച്ചു. സൈനുദ്ധീന്‍ മഖ്ദൂം അഖീര്‍, മഖ്ദൂം അഹമ്മദ്‌ വലിയ ബാവ മുസ്ലിയാര്‍ , പൊന്നാനി അബ്ദുള്ള കുട്ടി മുസ്ലിയാര്‍ , മുഫ്തി മുഹമ്മദ്‌ മഖ്ദൂം ബാവമുസ്ലിയാര്‍ എന്നിവരാണ് ഗുരുനാഥന്‍മാര്‍ .
കുഞ്ഞന്‍ ബാവ മുസ്ലിയാര്‍ (മ: 1343 ) , തുന്നന്‍ വീട്ടില്‍ മുഹമ്മദ്‌ മുസ്ലിയാര്‍ (മ: 1341) , കൊങ്ങണം വീട്ടില്‍ അഹമ്മദ്‌ ബാവ മുസ്ലിയാര്‍ (മ: 1314 ) , തട്ടാങ്ങര കുട്ട്യേമു മുസ്ലിയാര്‍ (മ:1341 ), ഞമനേക്കോട് ഏനികുട്ടി മുസ്ലിയാര്‍ (മ: 1352 ),യുസുഫുല്‍ ഫള്ഫരി ( മ: 1336) കട്ടിലശ്ശേരി ആലിമുസ്ലിയാര്‍ (മ:1334 ) നെല്ലിക്കുത്ത് ആലി മുസ്ലിയാര്‍ ( മ; 1340 ), വളപ്പില്‍ അബ്ദുല്‍ അസീസ്‌ മുസ്ലിയാര്‍ (മ :1322 ) എന്നിവര്‍ സഹപാഠികളാണ്.
കുഞ്ഞുണ്ണിക്കര ഹൈദര്‍ മുസ്ലിയാര്‍ (മ: 1345 ) അരീക്കല്‍ മുഹമ്മദ്‌ മുസ്ലിയാര്‍ (മര്‍ഹൂം അരീക്കല്‍ അബ്ദുറഹ്മാന്‍ മുസ്ലിയാരുടെ പിതാവ് )തുടങ്ങി അനേകം ശിഷ്യന്മാരുണ്ട്.
അല്ഫിയ,ഫത്‌ഹുല്‍ മുഈന്‍ ,തഫ്താസാനി എന്നിവയുടെ വ്യാഖ്യാനം ശൈഖ്‌ രിഫാഈ , ശൈഖ്‌ ജീലാനി മൌലിദുകള്‍ എന്നിവ രജിച്ചിട്ടുണ്ട്. സൈനുദ്ധീന്‍ മഖ്ദൂം മൂന്നാമന്റെ മകന്‍ അബ്ദുറഹ്മാന്‍ മുസ്ലിയാരുടെ പുത്രി ഫത്വിമയാണ് ഭാര്യ.മുഹമ്മദ്‌ ശിയാസ്,ആയിഷക്കുട്ടി,മര്‍യം,അബ്ദുറഹ്മാന്‍ എന്നിവരാണ് മക്കള്‍. ഹി: 1326 സഫര്‍ 27 ചൊവ്വാഴ്ചയായിരുന്നു അന്ത്യം.
No comments:
Post a Comment